Treppenspieker

Ok de Spieker, de von wegen den Füerschutz immer in grödderen Affstand von dat Burnhus annelegt wör, stammt ut de 1. Hälfte von dat 18. Johrhunnert.

Sin irste Stand wär de Marquardtsche Hoff in Hasselhorst. De Spieker deihne tau de Upbewohrung von Kurn, Eetsaaken un Husrath von grödderen Wert.

1981 wör de Spieker, de up den 1936 entstoenen Truppenübungsplatz stünn, abedrogen un 1983 wedder ubbebaut.

In de Rühme ünnen in dat Hus, is de groode Veeltohl von Imkerwarktüch tau sahn, un ne lüttsche Utstellung öber Wäsche un Linnen. Boben in dat Hus dräpt siek in de Sommertied de jungen Lüe ut den Verein.