Sammelsurium un Archiv

 

Dat digitale Erfaaten von de Deile uten Museum is Affsicht von de Inventarisierung in Winser Museumshoff.

Düsse bedüende Uppgabe wat dertied von ehrenamtliche Helpslüe mokt. Dörch dat intressante Daun, den Jokus den sei tauhope het, un dat Wetten wat Brukbares for de Nahwelt tau hinnerloten, sind de Lüe gaut tauhope wussen.

Kort gesächt, bedüht de Inventarisierung dat de Deile, wecke sick in Loope von de Johre, in Museum annesammelt het, ubbeschreben un digital photographiert werd. Alle Daten un Photographien wird an Enne inne Datenbak sichert. Dat hat veele Vordeile. Dat Museum weiht wat et hat, un kann rasche alles rutfinnen wenn sei Utstellungen moken wüt. De nachfolgenden Generatschonen sind mit saun Sammelsurium bäder in Bille.

Dree Frauenslüe un veier Kirls arbeid tauhope. Djeder hat seine besonnere Uppgabe. Dat Mitaananner loppt Hand in Hand, un libert an Enne wat Gauet. Alle tauhopen sind dorbi taugange, dat Sammelsurium tau logern, de tweien Deile heile tau moken, dat Ungeziefer uttaurotten un tau fahinnern dat de Kram falustig gaht oder annedötscht ward.

De Inventarisierers sind herforgahn ut ne Arbeid von den Museumsverband in Landkreis Celle, wo de Heimatverein veele Johre middemokt hat.