Platt in 21. Johrhunnert

In 20. Johrhunnert bille sick in Nurddüütschland binäben den hochdüütschen ok aan plattdüütschen Kulturbedriew in veele Schattierungen. Af de 90er Johre nimmt de Upmerksomkeit for dat Plattdüütsche tau. Von 1999 an lödt man Plattdüütsch as Regjonolsproke gellen, un ett is ok in de „EU-Charta for Regjonal- oder Minnerheitensproken“ innedrogen, tauhope mit Friesisch, Dänisch, Sorbisch un Romanes. De Bunnesregierung stellt öhr dodurch ünner Schutz. Dat Gesetz alleen helpt de Spoke ober nich. Sei mutt brukt un annewendt wirn.

Alle Doge is tau Tied dat Themo Platt in de nurddüütschen Medien taugegen. Theoderstücke, Bäuker, Musiken wird vorstellt. Un ett ward snakt ober de Taukunft von dat Plattdüütsche. Versäuke mit tweisprokige Kinnergorns findt veel Tauloop un de Minschen seggt sick girne op Platt Dogestied.
Düt mach domit tau daun hebben, dat die Lüe langsom klor ward, dat öhre Sproke dat Utstarben droht – oder veelicht ok domit, dat de plattdüütsche Kultur hüttaudoge jümmer noch de Upmerksomkeit lohnt.

Dorum beidt wie bi us innen Heimatverein an:
- plattdüütsche Museumsführungen
- plattdüütsche Kerken
- veele Ünnernähmungen for Kinner up platt
- de plattdüütsche Arbeidskreis, de sick in Winterhalfjohr dript