Arbeidskreis Winser Flößer

De 1997 gründte Arbeidskreis „Winser Flößer“ hat aanen Dromm wahrhaftig wirn laaten. De Deilnehmers sind mit aan, na ole Traditschon bautet, Flott de Aller runner föhrt. Düt Belevnis könn al aanige Male mokt wirn. De Reise von Winsen na Verden duhrt 6 Dage for 96 km. Dat Flott mokt so um de 2 km in de Stunne.

In 19. Johrhunnert güng de Nafrage na Holt in Hus- und Schippbau beistig in de Höchte. Besünners in Bremen un Bremerhaven blaume de Seebedriew, de Warften härn veel tau daun. In den Busch von de Südheide geif dat nauch Holt, wecket an de Hansestädte vokofft wirn könn. Aaber wi könn man so veel Holt günstig dahenn transportiern? De Lösung wärn de Flotte, wecke von de Ürßen ober de Allter, bet henn na de Weser stromdohl förn. Mi benah 2000 Flotte in Johr 1874 bekeim düsse Waderweg an Bedühung for de hiesige Regjon. Erst durch de Iesenbahn güng de Flößerei immer füdder trügge, un enne in 20. Johrhunnert fullstännig.

Sau bi 60 Lüe holt mit öhre Arbeid de heimatliche Geschichte lebennig. 250 Johr het use Vorfahrn de natürlichen Verkehrsodern tau Helpe nohm, un Holt ober veele Kilometers tau transportiern. Et is us aan Anlingen, de Lebens- und Arbeidswiese vonne Flößer tau ünnerseuken un füdder taugeben. Un damit aan Bidrag tau Bewohrung vonne Tradidschon un dat Andenken an den schweren Alldag, von de Flößer, tauwege bringen.

De schwore Arbeid, de bi dat Bauen von dat Flott anfahlt, wat de Lüe wiest. De ole Mokort, dat Inbinnen, dat Schnieen, Trechtelengen un Drahen von Wieen gifft de Arbeidskreis girn füdder un ladt taun mitmoken in.

Schlaht sei taun irsten Mal in öhrn Leben aanen Boom, lihrt sei de ole Holtbearbeidungsort kennen. Bindt sei tauhope mit Annere aan Flott un geneidt sei na gedahne Arbeid dat fadeinte Eeten. Tau Belohnung heet et denn „Linjen los“.